Jowai: Ka lympung yalehke wa tip kam ka 4th Northeast Kickboxing Championship 2018-19 kawa sdang ha ka 8 tarik uni u bnai da pynkut ya ka ha ka 9 tarik uni u bnai ha Indoor Stadium U Tirot Singh heiwa da wan kiwa chimbynta na kylleiñ ki jylla ka ka thaaiñ mihsngi kam na Assam, Manipur, Meghalaya, Tripura wa kiwi kiwi.
Kani ka lympung toh kawa da pynman da ka Meghalaya Association of Kickboxing Organization (MAKO) heiwa da wan chimbynta hadooh 221 ngut kiwa yalehke na kylleiñ ka thaaiñ wa kynthup ya 59 ngut na ka jylla Meghalaya.
Ha kani ka lympung ki ki ar ngut kiwa yalehke na ka West Jaiñtia Hills da man ki kiwa jop, wa kynthup ya u Andyson War – uwa da yoh takma ksiar ha ka Senior Men, wa ka Satisfy Syngkon kawa da yoh takma rupa ha ka Senior Girls.
Ya kini ki ar ngut da yahkhmat da u Ferdinand Suchiang.
Ka lympung wa bood wa tip kam ka 5th Northeast Kickboxing Championship 2019 daw pynman ya ka ha Assam.
Discussion about this post