Iwa chimpor 6 bnai, du hapoh 15 sngi pynyoo ka KNGC yei sap wow chna tiar

Jowai: Ha ka 26 tarik u Naiynñiaw uni u snem ka Kiang Nangbah Government College da pynkha ko ya ka Skill Development Committee, KNGC wow e sikai kiwa boonjait cha kiwa lai pruæ ha ka, kiwa ye u yarap ya ki wow yoh khih yoh khan kamjooh wow pynbniah ya ki sap wa em ki kiwa ki kot ki sla wa puræ ym em e hikai ki.

Kamtæ ha ka sien wa nyngkong wa lai luti kani ka Committee da pynman da ka esikai wa 15 sngi kawa da sdang nadooh ka 27 tarik u bnai wa dadep wow chna ya ki khri pathi wa ki syntu wa ha rukom deiwa pynemkaam da ki rmet, ki samariah kseh, ki chken ki siej wei da wan kiwa sikai naka Women’s Group & Handicraft Mulitpupose Co-operative Society Ltd. (WGHMCS), Madankynsaw, Mookyndeng.

Ka Isabella Pakma, Secretary ka WGHMCS da yaroh ko ya ki 47 ngut kiwa puræ Degree kani ka College kiwa da ye u chna ya kini ki mar du hapoh 15 sngi wei ka e sikai leh man ko du chi kynta chiteiñ donhi ym toh waroh chi sngi wei kam ya u Khri Pathi chimpor 6 bnai wow e sikai wow ye u chna da kiwa miat.

Ka Convener ka Skill Development Committee ka Evelinda Suchiang da yaroh ko ya ki le ngut kiwa wan e sikai kiwa em ka yaichah wow e sikai wa da ye kiwa chimbynta wow chna ya ki mar wa miat wei da yaroh ko leh ya ka Secretary ka WGHMCS kawa kyllooid mynsien wow phah ya kiwa sikai kiwa ym em murieh yei stat yong ki lada kini ki 47 ngut ye ki wow knieh ya ka yaaw dai mar yong ka.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong ko leh wa i thmu wa seiñ ya ka Skill Development Committee toh wow yarap ya kiwa em sap hapoh kani ka thaw puræ.

Neiliang u Principal ka College u O.U. Lyngdoh da ong u wa nyngkong artatien bha hawa sdang ya kani ka Short Term Certificate Course on Skill Development Programme boi kiwa wan chimbynta ymbien ki u chimkhia ya kani ka kaam wei ym dam u wan paitsiar kammon lai kani ka kaam tangwa ynne ka sngi deiwa yoo ya kini ki mar wa miat wa da chna da pynyoo wa man ko kawa jop heiwa ki syntu da phooh ki kamtæ da ong u wa kattu ym toh de u tieñ ki khynroo khyllood wa lada katni ye ki u leh heipor wa tbain iyi wow khang ki wow jop ha kiwon kiwon ki kaam wa yaleh ki.

Ya kani ka e sikai da yarap poisa naka Rashtriya Uchchatar Shiksha Abhiyan (RUSA) wow pynman ya ka.