Shillong: Ka liang pyrchah ha ka yung dorbar chna-aiñ ka jylla ynne ka sngi da beiñ joor ko ya ka sorkar hajrong i wym ye wow e yutip yei em ki weighbridge ha ka jylla wa kamjooh i yoh nong na kini ki thaw.
U MLA ka Congress na Mawsynram u HM Shangpliang da beiñ u ya ka sorkar Meghalaya Democratic Alliance (MDA) deiwa ong wa i wym kwah wow jubab ka sorkar hadooh katwon wa ka jylla yohnong ko nei em kini ki weighbridge toh iwa leh chanam khnang wow lait yaklam hajrong kani ka phang.
U Shangpliang da wanrah u wow kylli wow tip katwon tylli ki weighbridge wa em ha ka jylla wei katwon ka tnat Transpor wa Mining Department yohnong ki na kini ki weighbridge, tangwa neiliang u Montri ka tnat Transport u Sniawbhalang Dhar ym em ye u wow jubab yeini iwa kylli wei da jubab da u Montri ka tnat legal Metrology, u Samlin Malngiang
Chwa ini hawa jubab yeiwa kylli, u Malngiang da pyntip wa waroh em ki 103 tylli ki weighbridge ha waroh kawi ka jylla, wei kiwa boon dooh em ki ha Ri-Bhoi Distict kawa em 40 tylli, East Khasi Hills 7, South West Khasi Hills 3, West Khasi Hills 11, East Jaiñtia Hills 34, West Jaiñtia Hills 5, West Garo Hills 2 wa East Garo Hills 1.
Ki dkhot ka liang pyrchah da beiñ ki ya ka sorkar wa ya kini ki weighbridge ym em register wow tipmit ya ki iwa mut da booh ya ki pyrchah aiñ.
Hawa jubab yeiwa kylli pynrap, u Montri Rangbah ka jylla da ong u wa em 10 tylli ki weighbridge wa da tipmit da ka sorkar ha ka tnat Transport, kawi wa da pynlai da ka tnat, katwa kiwi won yong ki bru samen.
Discussion about this post