Ym e NOC ka KHADC wow chna ya u sarok Two Lane cha ka thaaiñ wa yajan wa u Uranium

Shillong: Ka Khasi Hills Autonomous District Council (KHADC) da rai ko wym e ko yei monjur namo ka NOC wow chna ya u sarok Two Lane wow pynyabi nadooh Nongstoiñ-Wahkaji-Phlangdiloiñ-Ranikor hanlada da yoh ko yei paan NOC naka sorkar.

U Chief Executive Member (CEM) ka KHADC, u Hispreaching Son Shylla da ong u wa da em ka yalang wa kiwa synchaar chnong ka thaaiñ, kiwa yahkhmat ki seiñbhalang wa kynthup ya ka Khasi Student Union (KSU) na South West Khasi Hills wa West Khasi Hills, ka Hynñiewtrep Youths’ Council (HYC), ka Langrin Youths’ Welfare Association (LYWA), wa kynthup leh ki MLA wa MDC, u Pius Marweiñ MLA ka Ranikor, u Macmilan Byrsat MLA ka Nongstoin, u LG Nongsiej MDC ka Nongstoin wa u Mansturdy Nongrem MDC ka Langrin.

Hawa yaklam wa kiwa pathai khubor, u CEM da ong u wa kani ka sarok ym kynthup ko ya ka Mawthabah, wei da pyntip u leh wa neiliang kiwa mihkhmat ka thaaiñ da pynsñiaw ki wa emkaam wow chna noh ya uni u sarok neibynta i bha i miat wa i myntoi ki ki paidbah ka thaaiñ, katwa ki seiñbhalang won da pyrchah ki wa ympu em sñiaw tikna yei khang wow tih ya u Uranium wa man ko kawa skem hapoh ka thaaiñ.

“Neidaw wa e yumut neibynta kani ka sarok, kiwa kwah wa kiwa pyrchah, i da rai wow sangeh chwa wow e NOC ya katni chooh, wei i kyntu i ya ki arliang wow pynbait ki chwa para ki ha kini ki sngi wow wan,” ong u CEM.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Shylla da ong u wa ka KHADC ka hap ko wow pyrkhat wei wow bichaar bha, neibhah lada ye toh u chna ya uni u sarok nadooh Nongstoiñ cha Wahkaji wei ym eh wow pynyabi leh ya ka chadooh Mawthabah.

Ha iwi tawon i liang u Shylla da ong u wa ka KHADC da pyndooh ko leh ya ka T.25 klur wa da kular da u CEM warim, u Pynshngain N Syiem wow phah cha ka Special Assistant Grant ka sorkar pyrdi neibhah waka poisa wa da yoh na ka sorkar pyrdi toh du neibynta kawi ka thaw neibhah wa dang boon iwa emkaam wa ki MDC haap ki wow leh.

“Ki seiñbhalang da dawa ki wow chna pynmiat ya u sarok da ka poisa kawa da em chwa waka KHADC, tangwa wa i da klam che i wa ka poisa ka Council da e da ka sorkar pyrdi wei u lai ko neibynta ki MDC ymtoh wow e wow pynlut du neibynta iwi i thaw donhi wei lada kwah ki yei che heiyatoh wa ini toh u lai yachem ki wa u CEM warim uwa da yah bakla.”  da ong u Shylla.

Also Read: Pan NOC u MLA ka Ranikor na u CEM ka KHADC wow chna ya ka sarok Phlangdiloin-Langpa-Ranikor