Shillong: Ka kurim u heh spah u Mukesh Ambani ka Nita Ambani da wan e mynsien ko ynne ka chi tarik ha ka sngi pynkut ya ka yalehke ki khynnah skur wa pyman da ka Reliance Foundation Youth Sports ha JN Stadium, Shillong.
Ka Nita kawa man leh ka Chairperson ka Reliance Foundation wa ka dkhot ka International Olympic Committee, da ong ko waka yalehbol ha kani ka jylla Meghalaya man ko kawa pawnaam bha wei du ha uni u snem hadooh 109 tylli ki skur na kani ka jylla da ya chim bynta ki ha kani ka yalehke.
Da ong ko wa da em chiboon kiwa em ka sap yalehkebol ha kani ka jylla wei ha ki thaaiñ mihngi wei da chynna wa ha lympung Indian Super League (ISL), heiwa da em 45 ngut kiwa yalehke du naka thaaiñ mihsngi mih ki.
Ha kani ka sngi da emlang leh u John Abraham uwa da ong wa i thmu u wow booh ya ka Football Academy ha waroh ki jylla ha ki thaaiñ mihsngi wa kynthup ya ka Shillong.
Katwa neiliang u Montri Rangbah ka jylla u Conrad K Sangma da ong u wa ka sorkar jylla ka kmen kow wo yoh u pdiang ya ka National Games hanalada man ko kawa eh wow pynkhreh tangwa ka sorkar ka thrang ko wow pynku ya ki kaam yalehke wei dang pynkhreh ya ka Sports Policy.
Discussion about this post