Shillong: Uwa yahkhmat ka Congress ha Meghalaya uwa man leh u MP na Shillong, u Vincent H Pala da ong u wa ka Congress daw wan biang ko hei bor ha Delhi hadien ka Election 2019.
Hawa jubab kam kiyi ki luti da wa jied ka Party wow pyntikna wow wan biang ko heibor hadien ka Election cha ka dorbar Lok Sabha, neiliang u Vincent da ong u wa ka Party ha Delhi wa hapoh ka jylla da pynkhreh bha kammon wow lai cha ka ki paidbah.
“I da pynkhreh bha i neibynta ka Election MP wei ki paidbah da sñiawwthooh i wa i rukom im ha ri India yaphær i na kiwi cha kiwi ki thaw khamtam cha ka thaaiñ mihsngi,” da ong u.
“Ha Assam nachwa heipor wa synchaar ka Congress wei katni da ka BJP, tangwa lada em Election katni ha jylla Assam ka Congress daw wan ko ha i bor katkam i yoo yong nga,” da pynrap u.
Da ong u wa i kular ka BJP wow pynyoh poisa neibynta ka jylla Manipur, Nagaland wa Tripura ym em ye u pynman sakhiat ya ka wei ha Meghalaya ym em leh kamwa da kular chwa ka Election ha kini ki ynru bnai.
U Vincent da ong u leh wa ka BJP ha kini ki san snem duna ym em leh ko iyi iyi neibynta wow yoh myntoi ki paidbah ri, tangwa stat ko du wow pynsñiaw yaphær jaitbru jaitniam.
Da ong u leh wa da sñiawthooh wow bichaar niewa jia ha Delhi, Rajasthan wa Madhya Pradesh wei wot hadooh ha jylla Gujarat ka Congress da duna ko wow jop du khajiak wow chna sorkar wei ini i kylla daw wan ko ha waroh kawi ka ri.
Hawa batai kajiak yei pynkhreh yong ka Congress neibynta ka Election u Vincent da u ong u wa ka la-ær wa tip kam ka ‘Modi Wave’ da kut ko wei ka Congress daw lai ko cha ki paidbah deiwa wyrchaw ya ki kaam wa da leh ka Congress wa iwa leh ka sorkar BJP.
Discussion about this post