Jowai: Katkam ka yutip wa da yoh wa mih na ka yung krehkaam ka Director of Health Services (MCH&FW), Meghalaya da pyntip wa da chem ya arngut ki bru wa suba yoh kjut H1N1 (Swine Flu) hapoh ka jylla.
Ha ka 17 tarik uni u bnai kawi ka bru wa tip kam ka Rehana Khurshid (58 snem) kawa sah ha Arbutnot, Shillong da pynthiah kjut ya ka nyngkong ha iwi i Hospital ki bru samen wa joor wa iñdoh, i joor ka-oh, i tlot, i chitom riñ mynsien hadien wan ko na Pune wow lai pait ya u khon ko. Kani ka bru ha ki test yong ka da pynsakhiat wa yoh Influenza ‘A’.
Da wan ko cha Shillong lyngba ka Guwahati Airport ha ka 15 tarik uni u bnai da airplane Indigo 6E-112.
Sa kawi won ka bru kawa tip kam ka Naomi Gonslaves (29 snem) na Maharashtra da wan ko cha Shillong da ka airplane Indigo ha ka 18 tarik yow embynta ha ka Catholic Convention tangwa ha ka 24 tarik uni u da li booh ka chapoh kawi ka Hospital samen neidaw wa joor i iñ-doh, i tlot, i kjut khlieh wei hadien wa test ka da chem wa yoh H1N1 ko.
Yeini dang pynman ya ka takit da ka NEIGHRIHMS.
Discussion about this post