15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da saam ya ki Prize Lucky Draw ka Chutwakhu

1 Comment
Advertisement ad1
Advertisement ad1
Advertisement ad1

Jowai: Ka Chutwakhu Social Welfare & Local Dorbar Jowai hadien wa dep pynkhle ko ya ki Prize Lucky Draw haka Fete wa da dep pynman haka 11 waka 12 tarik uni u bnai, ha kani ka 27 tarik won da sam ko yaki Prize cha ki 3 ngut kiwa ehbok ehnasib wa da pam yaka khle nasib ha pchem ka Indoor Sport-Cum Auditorium ha madan Jrisaleiñ.

Chwa u sam yaki prize da em chwa ka yalang wa tbian wa pynlai da u P.Lyngdoh chirup i emlang ki dkhot ka chnong wa kiwi kiwi, wei neiliang u P. Lyngdoh uwa man leh kam u Chairman ka Fete Committee da e haroh u ki kyntien ehbok ehnasib ya kiwa jop wa lyngba ini i jop yong ki u yoh ki i kyrkhu kyrdoh wei u Blai u emlang u chirup waki hei lai luti yong i chaphrang.

Advertisement ad1

Yaka 1st Prize wada pynkhle daka kari Suzuki Swift da yoh da u Pynbait Phawa uwa na Mihmyntdu deiwa pam ya u number 09736, ka 2nd Prize wa pynkhle daka Yamaha Fz 2.5 da yoh da u Ewanmidaoo Sutnga uwa na Khimmusniang deiwa pam ya u number 00492 katwa yaka 3rd Prize ka Scooty Yamaha Fascino da yoh da u Daraplang Lakiang uwa na Panaliar deiwa pam ia u number 23479.

Ya u chabi kamjooh ki kot ki sla da e kti cha kini kiwa jop da ki dkhot ka chnong Chutwakhu hi wa kynthup ya u B.G. Ladia, u K.S.Bareh wa u L. Langstang.

Share this:
Previous

Chong syir i synchaar paidbah hapoh ka ri nadooh wa wan ka BJP: Congress

Next

Ar ngut kiwa suba yoh kjut Swine Flu ha Shillong