Shillong: Ka Meghalaya Democratic Alliance (MDA) hapoh ka Co-ordination Committee kawa kynthup ya ki seiñ synrop ha ka sorkar ympu ye ko wow rai hajrong u kyrtong monlang neibynta ka MP election ha waroh ar tylli ki parliamentary constituency khamtam na Shillong.
Ka Coordination Committee ki party ynne ka sngi da yachem lang ki wow phyllu yumut hajrong ini tangwa ka yalang ym em ye ko wow chim ka rai khamtam heiyatoh wa u kyrtong monlang.
Hawa yaklam hadien ka yalang ki montri u Montri Rangbah, u Conrad K Sangma da ong u wa hadooh kattæ ympu em chim ya ka rai hajrong ini wei emkaam wow pynbait chwa hapyrdi ki seiñ wa em ha ka sorkar.
“Waroh ki lok ha ka sorkar MDA da rai ki wow pynbait chwa ha jar jiar ki party wei daw pyrkhat biang yeini sa chisien,” da ong u Conrad.
U Conrad da ong u leh wa kiwa boon ki yaklam ha ka yalang toh neibynta wow pynkhlan yei ukom kreh ka sorkar.
Kam wow kdaw heini ka sorkar MDA kynthup lang ko ya ki ynru tylli ki party wa kynthup ya ka NPP, UDP, PDF, HSPDP, BJP, NCP wa ki MLA samen, tangwa ka bynta wow yoh kyrtong MP da man ko kawa chongchit bha neibhah wa kwah ki da u kyrtong u yong ki hi.
Discussion about this post