theme-sticky-logo-alt
theme-logo-alt
Advertisement ad1
Advertisement ad1

Wan pynhaap pyrda u Banteidor ya ka 6th Cham Cham Invitation Football Tournament 2018

Advertisement ad1

Khliehriat: U Banteidor Lyngdoh u montri wa pait ya ka chnat Sport and Youth Affair ha ka 27 tarik uni u bnai da wan u wow pynhaap pyrda ya ka lympung yalehbol wa pynman da ka Cham Cham Social Sport Club ha madan yalehbol ka chong Cham Cham wei da emlang leh u Hamlet Dohling u montri ka sorkar jylla uba man kam u symbood kongsan, u Hopefull Bamon Co – Chairman Planning Board , u MLA warim u Justine Dkhar , u MDC u Phein Nanglien wa kiwi ki bru waheh yong ka thaaiñ wa wan pynchhongchit ya kani ka lympung yalehbol.

Ha ka yakhun Final ka Lumshyrmit Sport Club da rah ko yei naam jop deiwa pynrem ya ka Cham Cham United Club da 2-0 .

Advertisement ad1
Advertisement ad1

Ha chwa kani ka yakhun Final u Banteidor kam u kongsan hei klam wa tbian yong oo da yaroh u ya ki paaid yong kani ka thaaiñ kiwa maya ya ka Football kamjooh ya kiwa pynman ya kani ka lympung na kawi cha kawi ka snem deiwa pyn-eh bok pyn-eh nasib wa daw pynmih ko ki khloor wa yalehke wa ha rukom.

Kawa jop ha kani ka sngi ka Lumshyrmit Sport Club da yoh ko ya ka song pisa hadooh T. 100,000 waka Trophy katwa ka Cham Cham United kawa rem da yoh ko T. 70,000 wa ka Trophy .

Share this:
Previous

Tyrwa ka UDP 14-Mowkaiaw da u EC Dkhar kam u kyrtong MDC

Next

Sdang i chongchit kwah kyrtong MP ki party hapoh ka sorkar MDA ka jylla