Shillong: Ka seiñ UDP ynne ka sngi da pynbna ko ya ki khynde ngut ki kyrtong neibynta ka Election MDC cha ka JHADC neibynta u snem 2019.
U Allantry Dkhar uwa man u Vice President ka Party da ong wa ka Party ympu ye ko wow pynbna lut ya ki kyrtong ha ka Election MDC neibhah dang em chooh i por neibynta kiwa yahkhmat wei daw pynbna chooh chooh chwa ka 30 Khonchonglad (Nov).
U Allan da pynbna u ya ki 9 ngut ki kyrtong MDC wa kynthup 4 ngut na East Jaiñtia Hills kawa em 10 tylli ki Constituency MDC, wei kini toh na Narpuh da u Emlangki Lamare, na Sutnga Nongkhlieh da u Shanbor Lamare, na Bataw Lakadong da u Dr. Sankey Shangpung wa na Tuber da u Lasky Rymbai.
Ha West Jaiñtia Hills ka UDP da pynbna ko 5 ngut ki kyrtong na ki 19 tylli ki Constituency MDC, wei kini toh na War East da u Lamdibok Sumer, na Nongjngi da u Suklang Shylla, na Mowkaiaw da u E.C. Dkhar, na Raliang da u Bison Roy Iano katwa na Jowai Central da u Kitboklang Nongtdu.
Discussion about this post