Jowai: Uwa chong chnong ka Jowai u Khroolamsalanki Pariat da thoh u cha u Justice S.R. Sen u Judge ka Meghalaya High Court ha ka 23-10-18 neibynta ki khynnah kiwa ym em yung em sem khamtam ha kini ki por tlang yow pynbiang thaw sak ka sorkar ya ki.
Ha ka chithi da ong wa kini ki khynnah em kiwa da chah ieh, em ki khonswet wei emkaam ki ka yada khamtam kitu kiwa thiah miet cha rood sarok cha ki luti lai kjat wei ym tooh u ieh bieñ ya ki wei ki leh ye ki u man kam kiwa ye u pynku ya ka ri ym tooh ka yukit wa khia ya ka imlang sahlang wei na ki toh kiwa kreh chitom wow dai kwai waroh chi sngi wei sniawthooh ki yei kor i kreh chitoom wei em bait ki ki thong yong ki lada wai ka laad.
Da ong leh ha ka chithi wa ym toh u yoobeiñ ya ki neibhah ym toh i bakla yong ki wa em ki hawa em ki katni wei chwa wow chah kdooh chah khoom ki ha ki kaam wa sih emkaam wow yarap ya ki tangwa ka sorkar ym em pyrkhat ko ya ini.
Da kyntu ya uwa bichaar wow booh da ki thaw sah miet namo ki Night Shelter Houses ha waroh ki Head Quarter ki District hapoh ka jylla wei toh u sdang na Shillong, Jowai wa Tura wei kini ki thaw sah miet u man ki kam ki chlem e sikai yow seiñ khih kini ki khynnah kam ha ki kaam mistri, chna bordiñ, ka riñ um wa kiwi kiwi wei ye u sdang ya ini nadooh ka 6 waje i miet hadooh 9 waje i miet.
Kamtæ da kyntu ya ka yungbichaar wow chimkhia yow lai ko cha khmat wow pynman ya ka da ka mukutduma namo ka Suo Muto.
Kamtæ u Chief Justice ka Meghalaya High Court wa u Justice S.R. Sen ynnin ka 01-11-18 da rai ki wow pynman ya kani ka kaam kam ka PIL heiwa da man ko hei pyrtuid u Khroolamsanki Pariat pyrchah ya ka sorkar wei da phah ki ya u Chief Secretary, u Commissioner & Secretary ka Social Welfare wow jubab ki ya ini chwa ka 12-11-18 wei daw chong bichaar ya kani ka kaam ha ka 13-11-18.
Discussion about this post