Kubur u PN Syiem wa kyrchaan u ya ka KHDA hapoh ka KHADC

Shillong: U Chief Executive Member (CEM) warim ka Khasi Hills Autonomous District Council (KHADC) uwa man leh u Chairman ka Peoples’ Democratic Front (PDF), u Pynshngain N Syiem da mynjur u wa da lai kyrchaan u ya ka Executive Committee ha KHADC, ka Khasi Hills Democratic Alliance (KHDA) kamwa da kam da u CEM, u Hispreaching Son Shylla.

“Nga da lai kyrchaan O ya ka EC ka KHDA neibhah nga samen ym ye O u leh iyi iyi leh wei haap O wow bood ya kiwa boon. Ki paralok waroh da lai ki kammon sa du nga wow sah samen.” ong u Pynshngain.

U heh ka Parliamentary Party ka PDF ha KHADC, u James Ban Basaiawmoit da ong u, “Ha i por wa i lai e kyrchaan ya ka KHDA i da yaklam lang i wa ka party, u Pynshngain da ong ya i wow lai chakhmat wei daw wan booddien u.”

U Basaiawmoit da pyntip u leh wa ka Party da pynkhreh ko wow wanrah ya ka phang yatai ha ka dorbar tlang ka KHADC, wei man ko ka mat kawa ktah bha ya ka jaitbru kawa thmu wow wan booh da u Pynshngain.

Related posts

Ka 6th Schedule hi wa lah ya ka Article 371, ong u Vincent Pala

January 11, 2025

U pdiang ya waroh nadooh u Mukul, u Charles kiwa kwah u psiah biang cha ka Congress: Dr. Chellakumar

January 11, 2025

“Nga kwah O u pynche wa kini ki phang man ki kiwa emkaam bha wa ka PDF u wanrah ko, khamtam wa i kam ka jaitbru i emkaam i wow yaklam ya waroh kiwa synchaar hapoh Council kawa yatoh waka jaitbru. I tih ya u moochuni, i tih mooyong kiwa haap ha ka Mines and Minerals (Regulation and Development) Amendment Act yong ka sorkar India, tuklar sa ka NGT nalor wa pynmih sa ya ka Citizenship Act na ka sorkar pyrdi. Ka PDF u wanrah ko ya kini ki phang wow yatai katkam ka bor wa da pynkup ha ka Council wow yada yei man kyrpang yong ka jaitbru katkam ka dustur ka yong i,” ong u Pynshngain.

Hawa kylli hajrong ki soo tylli ki Bill kiwa da mynjur da ka KHADC ha ka dorbar kyrpang dang ini wa dep wei i wym poi u wow chimbynta, neiliang u CEM warim da ong wa ki Bill kiwa da mynjur da ka KHADC man ki kiwa biang khamtam hajrong ka Inner Line Permit (ILP).

“Nga boonkaam O wei ym em ye O wow poi cha ka dorbar kyrpang ka Council, ki Bill wa da mynjur da ka KHADC man ki kiwa biang ware, ym ye wow len wa ka ILP toh kawa bha bha wei kamjooh kiwi ki Bill tangwa dang haap wow puræ bniah thij pa thij wei wow yaklam lang wa waroh ki MDC lada emkaam wow pynbha ya ki Bill.” ong u PN Syiem.