theme-sticky-logo-alt
theme-logo-alt

Da pynman ya ka Kisan Mela kawa chi sngi neibynta ki soo district ha Shillong

Advertisement ad1

Shillong: U montri ka chnat i rep i riang, u Bantiedor Lyngdoh, ynne da wai u ya ka Kisan Mela on Agricultural Machineries and Equipments namo ka yaaw kiwa rep hajrong ki kor rep wa pynman ha Integrated Agriculture Training Centre (IATC), Upper Shillong.

Kani ka Kisan Mela toh kawa pynman da ka chnat Agriculture hapoh ka Agriculture Engineering (Mechanical Wing) Meghalaya, Shillong hajrong ka thong wow pyntip kammon wow pynemkaam ya ki kor rep wa lyngba i yoh yarap na ki subsidy wow thied ya kini ki kor.

Advertisement ad1

Ya kani ka Mela da pynman kyrpang neibynta ki warep ka East Khasi Hills, West Khasi Hills, South West Khasi Hills wa Ri Bhoi District wei daw pynman ya kam kini ki Mela leh cha kiwi ki District.

U Bantiedor, da ong u wa ki warep man ki u budloom ka yoh ka kot wei ka sorkar chimkhia bha ko wow pynku ya i rukom kreh ha waroh ka jylla.

Chooh chooh da ong u wa ka Kisan Mela toh i kreh wow yarap ya ki warep lyngba ki subsidy, deiwa kyntu ya ki wow chim kabu ya kini ki e yarap na ka sorkar wei wow pynemkaam ya ka stat rep katkam ka juk wa katni.

Hadien ini da saam ya ki kor loor cha ki kattu katni ngut kiwa yoh yarap na ki district wa chim bynta.

Share this:
Previous

Jop ka Loomkyrwiang ha ka 3rd Division waka Mynthong ha ka Super Division

Next

Kubur u PN Syiem wa kyrchaan u ya ka KHDA hapoh ka KHADC