Beiñ ka SoSNE yeiwa jia ya ka Agnes wa ka Amita Sangma

Jowai: Ka seiñ Solidarity of Sustainable North East (SoSNE) kawa man dkhot ka Agnes Kharshiing wa ka Amita Sangma da beiñ ko yeiwa chah dat ki ha Tuber Shohshrieh ha kani ka 8 tarik uni u bnai.

Ka seiñ da ong ko wa wa Agnes da lai sylli donhi ki yei tih mooyong tooh wa man pyrchah ya ka hukum ka National Green Tribunal (NGT) wow khang wow tih mooyong nadooh u Naitung 2014.

Da ong ko wa ka Agnes man ko kawa yakhun RTI wow chemdien yei kaam baam-tooh ha ka sorkar wa kiwi ki chnat sorkar kawa dawa wow pynbait wei wow pyndam ya ki kaam baam-tooh.

Ka SoSNE da dawa ko wa kiwa khayi mooyong ymtoh u chim ki ya ka aiñ pyn ha kti yong ki hi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh ka SoSNE da beiñ ko leh yeiwa jia ya ka Agnes wa ka Amita, deiwa kyntu ya u montri rangbah, u Conrad Sangma wow chimkhia yeini wei wow e yarap ya ki ha i chah sumaar ki.

Heijooh i por ka SoSNE da kyntu ko ya ka sorkar jylla wow pynbait wei wow pymih noh ya ka aiñ tih mooyong wa katkam ka juk wa katni.

Ini toh katkam wa phah u Convenor ka SoSNE u Kishor Kumar Kalita Convener uwa em 70 ngut ki dkhot wa ki seiñ ha ka thaaiñ mihsngi ka ri.