theme-sticky-logo-alt
theme-logo-alt
Advertisement ad1
Advertisement ad1

Da wai paidbah ya ka yung krehkaam wa T. 5 lak ha Sohkha Shnong

Advertisement ad1

Jowai: U MDC ka JHADC na thaaiñ War Central, u Holando Lamin uwa pait ya ka chnat CWP, ynnin ka Sngi Choh-that da wai paidbah u ya ka yung krehkaam ka Sohkha Shnong Everlasting Sports Club Cum Conference Hall kawa da chna hei lut wa T. 5 lak.

Ya kani ka yung da chna dei yarap poisa ka sorkar pyrdi lyngba ka Special Assistance Central Plan Scheme yong u snem 2015-16.

Advertisement ad1

Chwa wow wai da em ka yalang wa pynlai da u L. Tongper President ka Sohkha Shnong Everlasting Sports Club heiwa da yoh leh yei klam na u Secretary ka Club u CFS. Khonglah uwa da khana yei sdang wow chna ya kani ka yung krehkaam hadooh wa da wai ya ka.

Da ong u wa i thmu ka Club ymtoh du wow pait ya ki kaam yalehke tangwa wot ya i roi i paar hapoh ka chnong dei yakrehlang ka chnong waroh kawi.

U H. Lanong uwa man kam u Waheh Chnong ka Sohkha Shnong da e yaroh u ya ka Club deiwa kyntu ya ki wow pynkreh hok wei wow sumaar ya kani ka yung.

U Holando Lamin kam u kongsan da yaroh u ya ka Club wa ye ko wow pynkrehkaam hok ya kani ka scheme deiwa kyntu ya ki paidbah ka chnong wow em ki i kitkhlieh wow wanrah yei burom ka chnong ka thaw ha kiwa boon ki liang wei da kular u wow yaleh u wow thooh laad kammon u pynwandur ya kani ka yung wa i emkaam yong ka katwa joh i bor u.

Da pynkut ya ka yalang da ki kyntien khublei na u Asst. Secretary ka Club u K. Khonglah.

 

Share this:
Previous

Beiñ ka SoSNE yeiwa jia ya ka Agnes wa ka Amita Sangma

Next

Dawa ka YFPHR wow bood yei rai ka UN hajrong i jia ya ka Agnes wa ka Amita Sangma