U pynchitom ya kiwa emkti wow pynmynsoo ya ka Agnes: Conrad

Jowai: Ynne ka sngi kiwa thoh khubor da yoh ki u yachem ya u montri rangbah ka jylla u Conrad Sangma ha Shillong hadien wa ynnin da lai u cha NEIGRIHMS wow li pait ya ka Agnes Kharshiing.

Heiyatoh wa ini, neiliang u Conrad da beiñ joor u ya kiwa emkti wow tba kti ya Agnes deiwa ong wa hadien wa yachem u ya kiwa ha yung ha sem yong ka kamjooh ya ka Agnes da ong u wa sniawsih u yoo ya kiwa ha yung ha sem yong ka wa hap maad ki ya ini wei sniawkmen u leh wow ong wa ka Agnes hawa psiah u ha ka kamra sumaar ya ka Agnes da pynyoo ko ki dak wa tipmit hi ko ya oo wei sniawkmen wa da sdang chait ko.

U Conrad leh da ong u wa daw khut u ya yalang heiyatoh wa kani ka kaam wei daw chim ya ka rai kammon wow lai cha khmat.

Da ong u leh wa ym ye u pdiang ya iwa jia ya ka Agnes kamjooh ya kam kini ki jait kaam wei daw pyntikna kiwa emkti daw pynchitom ya ki katkam ka aiñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hawa kylli won ka sorkar kammon u lai ko cha khmat heiyatoh wa ka takit, u Conrad da jubab u deiwa ong wa ka sorkar chimkhia ko ya ini wa jai wei daw chim ya ka rai hadien wa da chong pyrkhat ya kani ka kaam cheiwon u phah ya ka takit.