Wa duna i yoh dan, rai ka KHADC wow pyndam noh ya ka Monolith Festival

Shillong:U CEM ka KHADC, u HS Shylla da ong u wa ka KHADC ym pynman de ko ya ka tamasa Monolith Festival neidaw wa duna poisa, yeini u CEM da ong u hawa jubab yeiwa kylli ka MDC na Nongshken ka Grace Mary Kharpuri kawa kwah wow tip lada ka KHADC thmu ko wow pynman biang ya kani ka tamasa ha uni u snem.

Hawa jubab chooh chooh yeiwa kylli pynrap u CEM da ong wa ka EC daw lai sylli ko ya ka Heritage Village kawa em ha Mawphlang kawa toh ka thaw ya ka tamasa wei daw bichaar bniah wow pynbha ya kani ka thaw kam ka thaw uiñke suwari.

Ha iwi i liang u CEM da ong wa lada wyrchaw wa kiwi ki District Council ha ka jylla ka KHADC dang ye hi ko wow pait ya kiwa kreh deiwa pynbiang ya i su ya ki.

Yeini u Shylla da ong u hawa jubab ya iwa kylli ka jooh ka MDC, ka Grace Mary Kharpuri hajrong ka Arrears wa dang sah kiwa kreh ka Council.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U CEM da ong u wa ka KHADC da khut yaklam ko ya ka Oriental Insurance Company hajrong kani ka phang wow wan pynche ya kiwa kreh ka KHADC.

Katkam i yaklam lada ye wow su T. 300 tyngka chibnai, ka Company ye ko wow kit ya ka bai sumaar hadooh T. 3 lak tyngka heipor wa emkaam katni dang em i hapyrdi i pynbait lada kiwa kreh ka KHADC u su lang mar chiteiñ.