Chim ka KHADC ya ka rai wow pynkylla pyrtuid cha ka United Khasi Hills Autonomous Council

Shillong: Ka Khasi Hills Autonomous District Council (KHADC) da chim ko ya ka rai wow kylla pyrtuid noh cha ka “United Khasi Hills Autonomous Council” yow pynneh ya ka hok yong ka kamwa nadooh nachwa yow man ko kam kawa yada ya ki hok ka jiatbru.

Ha chwa wow wanrah ya ka rai ha ka dorbar tlang ka KHADC ynne ka sngi, neiliang u CEM ka KHADC u Hispreaching Son Shylla da ong u , “Ka yung dorbar da monjur ko wow booh ya ka ktien “United” ha khmat ka “Khasi Hills Autonomous District Council” yow tip noh ya ka kam ka “United Khasi Hills Autonomous District” wei wow kyntu ya ka sorkar Meghalaya wow chim ko ya ka rai deiwa pynbna ha ka Gazette of Meghalaya lyngba ka the District Council Affairs Department.”

Da ong u wa ka ktien “United” pynyoo ko yei tylli ki 25 tylli ki Khasi State kawa em nadooh ki por ki phareng namo ki British ka Khasi-Jaiñtia District.

Da ong u wa deiwa pynwiar ya i ktien “United” wei deiwa chna ya ka Jaiñtia Autonomous District da u Lat ha 23-11-1964 hapoh ka Amendment of Para 20 ka Sixth Schedule da thap da i ktien “Khasi Hills District” wei da pyndooh ya ka “United Khasi-Jaintia Hills District” lyngba ka hukum sorkar ha ka 14-06-1973 kawa da pynbna ha ka 23-06-1973.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u wa hadien wa pynkrehkaam ya ka Section 7 ka Indian Independence Act in 1947, ki 25 tylli ki Khasi States, ki Federation of Khasi States da man ki kiwa laitlooid na ki phareng (British).

Ki 25 tylli ki Khasi States da soi ki ya ka Standstill Agreement wa ka India wei hadien won ya ka Instrument of Accession ha kiwi ki tarik. Tangwa lyngba ka Clause 4 ka Annexed Agreement heiyatoh wa u pood u ang ka ri Khasi wei ka Jaiñtia Hills District da ka rai (Resolution) ka Jaiñtia National Conference ha ka 01-09-1947 da rai ko wow psiah cha ka Federation of Khasi States.

“Hadien ini khlem ka Instrument of Merger wa du na ka Constitution lyngba ka First Schedule cha ka Sixth Schedule, da pynkha ya ka United Khasi Jaintia Hills District wa emlang ki 25 tylli ki Khasi States kiwa man leh hapoh ki thaw wa synchaar ki British ka Khasi Jaintia District,” da ong u Shylla.

Neiliang PDF Chairman u Pynshngain N Syiem da pynsiaw daw wanrah ko yei kulamr ya kiwa boon lada pynemkaam ya ka ktien United ha i pyrtuid ka KHADC neibhah ka ktien Khasi wei ka KHADC ym toh ka jaitbru.

U Shylla won da jubab u da ki ktien wa ong JJM Nichols Roy uwa ong wa i ktien Khasi wa da thap hapoh ka Sixth Schedule, kamtæ lada toh iwa bakla emkaam wa ka sorkar pyrdi wow pynbait ya ini.

Hawa kut ka yatai nia waroh da chim ki ka rai wow kyrchaan wow booh ya ka ktien “United”.