Jowai: Katkam wa pyntip ki pulit da ong wa ha ka 21 tarik uni u bnai heipor 2 waje i step kawi ka Truck wa em ya u number HR-65A-5110 wa yah da u Kuldeep Singh da kylla ko ha Umtrew, RB wei da kit ya uwa yah wa uwa yarap ya oo cha CHC Umsning.
Ha ka 17 tarik won hei miet heipor 8:15 kawi ka truck wa em ya u number AS-01DD-5227 da tyrrah ko ya kawi ka kari kamai Tourist wa em ya u number ML-04C-5811 ha Jowai By-pass, NH-6 Mihmyntdu (WJH).
Heipor wa kini kiwa yah kari dang yaklam ki yeiwa jia da wan sa kawi ka Truck wa em number AS-01GC-0721 wa yah da u Jerly Talang kawa tyrrah ya ka Truck wa da yatyrrah chwa (AS-01DD-5227) wei da tyrrah ko leh ya ka kari Tourist wa booh cha rood sarok.
Kamtæ ka Truck AS-01DD-5227 da yooh ko ya u Shanki Pasi uwa da khlaad ha ini i thaw wa ya u Lovingson Thubru uwa da mynsoo wei da kit ya oo cha Dr. Norman Tunnel Hospital, Jowai, wei da khlaad noh u.
Ha ini i jia u Handyman ka Truck AS-01GC-0721 u Midas Jat leh da mynsoo u wei da kit ya oo cha Civil Hospital Shillong.
Ha ka 20 tarik won heipor 10:45 i step kawi ka kari Tata Sumo wa em ya u number MZ-01J-9094 wa yah da u Michael Lalrinpuia da tyrrah ko ya ka kawi ka khynthai wa dang lai puræ ka Rani Rongpeit (22 snem) ha Nongpoh, RB.
Ya kawa chah tyrrah da kit ya ka cha Civil Hospital Nongpoh wei hadien won cha NEIGRIHMS tangwa da khlaad noh ko.
Ha ka 19 tarik won ha heipor 3 waje i janmiet kawi ka khynnah wa dang 2 snem da yap ngam um ko pyn hajan yung ko ha Namdong-B.
Ha ka 17 tarik won da chem yei met yaap u uwi u bru wa tip kam u Patied Lakiang na Syntuksiar, Jowai.
Ha ka 16 tarik heipor 4:30 i step kawi ka Truck wa em ya u number WB-65C-0086 wa yah da u Md. Rafil Sheikh, da tyrrah ko ya ka Guard Wall wei da noh ko cha synrang wa em ha Mookyndur, (WJH).
Ha ini i jia u Tariful Sekh uwa yarap ya uwa yah da khlaad u pyn ha ini i thaw.
Discussion about this post