Jowai: Neidaw wa joor ware i sahkut ki kari ha Jowai khamtam hei step heipor wa lai kreh lai skur ki khynnah, neiliang ka yung krehkaam u DC ka WJH da phah u ya ka Jowai Traffic Police wow pynkylla noh yei rukom lai kari ha Iawmusiang, Jowai heipor step wei i pynkylla u man i kamni hawah:
- Ym chah de u dong cha timun ha DC junction (ka laad wow lai cha liang Stand War) ya ki kari wa wan neiliang Iawmusiang haap ki u lai bait cha Chutwakhu lyngba ka HK Singh School junction, ka Jrisaleiñ Junction wei yow mih won ki na Mynthong Dawki Stand nadooh i por 10 waje hadooh 11 waje i step.
- Ym chah de u dong cha timun ya ki kari wa wan na DC Point wow psiah cha Thomas Jones Junction iwa mut ya waroh kiwa mut wow psiah cha Thomas Jones kiwa haap dong cha timun, ini u krehkaam i nadooh 10 waje hadooh 11 waje i step.
- Ya ki kari kamai tourist ym chah de ya ki wa wan na Ummulong/Wahiajer wa wan na liang Ummulong u psiah ki cha Iawmusiang lyngba ka New Hill Police Point, wei ki haap ki u lai lyngba ka sarok Riatsiatsim Bypass nadooh 9 waje hadooh 11 waje i step.
Ya kani ka pynlai kari wa thymme u sdang nadooh ka 26 tarik uni u bnai hadooh ka 30 tarik uni u bnai kam wow pyrchang wei lada man ko kawa biang daw pteiñ ya ka.
Ini toh katkam wa pyntip u Insp. DH Pde In-charge Traffic Branch.
Discussion about this post