15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Jop ka Meghalaya da 6 Wicket ya ka Nagaland ha ka Ranji Trophy

0 Comments
Advertisement ad1
Advertisement ad1

Shillong: Ka Meghalaya ynne da jop ko ya ka Nagaland ha ka yalehke Ranji Trophy da 6 Wicket ha ka sngi wa soo wa man leh ka sngi wa khaddooh wa pynman ha madan MCA Cricket Ground ynne ka sngi ha Shillong.

Ka Nagaland da pteiñ ko ya ka Second Innings iwa da dep kamai ko 332/8, wei da kyrchaan ko ha u Abrar Kazi uwa da kamai tam spah Run wow pteiñ u wei da ye u wow neh hadooh wa hap u ha uwa kawang bol ka Meghalaya u Aditya Singhania wei da kamai u 164 Run.

U Singhania da pynkut u ya ka yalehke deiwa yoh waroh 8/64.

Hadien ini ka Nagaland da haap lut ki Wicket ko wei da kamai ko 371 Run wei da booh thong ya ka Meghalaya da 89 Run yow jop.

I kdong Run ka Meghalaya ym em sdang i deiwa skhem hadien wa haap 3 tylli ki Wicket deiwa yoh ko du 12 Run donhi tangwa u Punit Bisht wa u Yogesh Nagar da kamai lang ki 59 Run ya ka Wicket wa soo kiwa jan pynjop ya ka Meghalaya.

Ya ki Run wa jop da pynyoh u Bisht uwa kamai 34 Run wa u Gurinder Singh uwa kamai 12 Run da ki ar tylli ki 6 Run.

Kani da man ko ka sien wa ar wa ka Meghalaya da jop ko na ki 3 tylli ki yalehke ha ka Ranji Trophy hadien wa pynrem ko ya ka Arunachal Pradesh wei da ya drawn ka yalehke ko pyrchah ya ka Puducherry.

Kattu da yoh ki 13 Point wei daw yachem won ki wa ka Manipur ha Kolkata ka wow sdang nadooh ka 28 tarik uni u bnai.

Share this:
Previous

Chah thok ka Bank ha kawi ka bru ha i chim ram thied kari

Next

Daw pynkylla yei pynlai kari ha Iawmusiang nadooh ka 26 tarik uni u bnai