510 Run booh thong ka Uttarakhand ya ka Meghalaya yow jop

Shillong: Ka Meghalaya da booh ya ka ha i bynta wa khor bha mynstep yow yoh tang ya ka ya drawn ha ka U-23 Col. CK Nayudu Trophy ha ka yaleh pyrchah ya ka Uttarakhand kawa pynman ha Dehradun, wei da eh hi leh ya ka Meghalaya wow jop ko.

Ka Uttrakhand hawa pteiñ ya ka Second Innings yong ka ynne ka sngi kawa man leh ka sngi wa le na ka soo sngi ka yalehke deiwa da yoh 138/3, iwa tam da 218 Run, ka Uttarakhand da pynkut ko ya ka kamai Run da 429/8, iwa mut ka Meghalaya yow jop ka emkaam ko 510 Run yow jop. Ka Uttarakhand ha ka First innings da kamai ko 220 Run katwa ka Meghalaya da yoh ko 140 Run.

U Saurav Chauhan wa u Vijay Sharma pyn-ar da yoh ki 116 Runs neibynta ka Uttarajhand katwa u Captain ka Meghalaya u Akash Kumar da yoh u 3 tylli ki Wicket wei da chah kamai u 97 Run wa u Arbin Singh uwa yoh 2 Wicket deiwa e 83 Run toh kiwa leh bha kiwa kawang bol ka Meghalaya.

Ka Meghalaya hawa kdong ya ka 510 Run yow jop hadooh wa kut ka yalehke ynne ka sngi da yoh ko 85/7 iwa dang sah sa 425 Runs yow jop wei emkaam ko wow pynsah ya ki 3 tylli ki Wicket wa dang sah yow yoh u pyn ya drawn heiwa dang sah sa chi sngi ka yalehke mynstep.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025