Jowai: Ka 4th Invitation Knock Out Football Tournament kawa da pynman da ka Moodymmai Sport Club da man ko kawa lai bait ynne ka sngi ha Moodymmai.
Ha kani ka sngi ka Young Team United da jop ko ya ka Yakyntulang FC lyngba ka Tie-Breaker 4-3.
Ka yakhun ynne da man ko kawa kut da mar chi kool, wei ya ka kool ka Young Team United da thap da Chemphang Rymbai ha ka minit wa 9 katwa ya ka kool ka Yakyntulang FC won da thap da u Consten Pakma ha ka minit wa 16.
Ka yakhun wa bood u man ko ha ka 26 tarik hapyrdi ka WSC Junior na Lumshnong pyrchah ya ka Lari XI na Ummulong heipor 2:00 waje i sngi.
Kam wow pynkynmoo heini, ya kiwa jop ha kani ka lympung u yoh ki ka song poisa wa T. 2 lak, kiwa rem won T. 1 lak.
Discussion about this post