Da pynman ya ka pyn sñiawthooh ya ki pulit ka WJH hajrong u khniang HIV wa i kjut AIDS

Jowai: Kam chibynta wow pynsñiawthooh hajrong ki laad ki luti wa kammon wow pynduna ya i poor u khniang HIV kamjooh chaphang ka kjut AIDS, neiliang ka yung krehkaam u Superintendent of Police West Jaiñtia Hills District, deiwa kyrchaan ka FHI 360, ka Meghalaya AIDS Control Society (MACS) deiwa ya krehlang wa ka Voluntary Health Association of Meghalaya (VHAM) da pynman ki ya ka ya phyllu yumut heiyatoh wa kani ka kaam ha Conference Hall u SP wei da wan chimbynta da ki sahep yong ka chnat pulit, 3rd MLP Bn, MPRO, Fire Service wa ki sahep ka patok (Prison Officers).

Neiliang u SP u Lakador Syiem hawa e yei klam waiphang da ong u wa, lada i yaklam i chaphang ka HIV/AIDS wei kammon wow pynduna ya ka, kam ki bor pulit emkaam wow sñiawthooh chwa ya ki daw wa kammon u leh yow ye u pynduna ka.

Da pynrap u leh da iwa ong wa kamwa ong ka ktien wa kiwon kiwon ki kaam wa bha sdang chwa ki na yung, kamtæ kwah u wa ka yaleh wow pynduna kiwa yoh khniang HIV toh u yaleh chwa yei roi kiwa dih drugs wei man ko ka kitkhlieh ka chnat pulit nynkong wei wan won sa ka imlang sahlang.

Ha kani ka sngi da em ki bru wa chemphang wa kynthup ya ka J. Suna Counsellor MCSWA TI IDU Jowai, kawa pyntip wa u khniang HIV da poor u leh deiwa pynemkaam ya u jooh u thyrnia wa na ka chongkha chongman roi kawa da poor won lyngba i snaam wa kiwi kiwi de.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong ko wa hapoh ka jylla Meghalaya kamwa 4300 ngut ki bru toh kiwa im wa u khniang HIV wei ka yukheiñ ye ko u boon neibhah da kheiñ du na kitu kiwa wan cha khmat.

Da ong ko leh wa ha ka thaaiñ mihsngi yong i kam ka jylla Meghalaya, Mizoram, Assam u khniang HIV dang poor smat u wei kiwa kreh ha kani ka kaam kammon kattu u leh ki yow pynduna.

Da ong ko leh wa iwa suk dooh toh wow sumaar bha pyn da i ya i hi haka chongkha chongman deiwa pynemkaam ya ka yada wei wow yait na i dih drugs wa kiwi kiwi kiwa yarap ya u khniang HIV u poor u.

Hei yatoh won wa i rukom pynemkaam ya ki drugs wa i eh wa mih lyngba i pynemkaam ya ki da pynche da ka E. Warjri Project Director VHAM Shillong.

Ya ki ktien pynkut da yoh na u Barry kharmalki, Field Mentor ka FHI 360.