Jowai: Ynne ka sngi ki 12 ngut ki bru waheh wa jooh kreh wa kiwi ki seiñ saiñ pyrthai wa haap hapoh ka 4-Mowkaiaw Constituency da wan ki wow psiah cha ka party UDP hajrong ki yurim waphær waphær kiwa da pynsñiaw hakhmat kiwa yahkhmat ka UDP kawa da pynman ya ki wow kyruiñ cha ka UDP.
Kini ki 12 ngut kynthup ki ya u Bhawan Chyrmang uwa jooh man kam u MDC warim uwa em leh i thmu wow yakhun MDC naka 13-Saphai Constituency, u Heralson Dkhar, u Wandame Suchiang kiwa em i thmu wow yakhun naka Shilliang Myntang, nalor kiwi won ki 9 ngut wa kynthup ya u Ymdon Papeng, u Wanshwa Syngkon, u Kartos Sayoo, u Joshua Sajem, u Orland Ïakai, u Mekerhi Sapuh, u Akshay Manner, u Cherish Lyngdoh wa u Seibormi Sutnga.
Da pynskem ya kini ki 12 ngut da u President ka UDP 4-Mowkaiaw u Eleazer C Dkhar deiwa emlang kiwa kitkaam ka UDP Mowkaiaw u General Secretary u Onyx Suchiang, Asst. Secretary u Deovolente Tang, u Obil Kyndait Ex-MDC, Ynniewbait Ymbon Adviser UDP 4-Mowkaiaw Constituency, u Yul Sungoh wa kiwi kiwi.
Heijooh i por neiliang u President da kyntu u ya ki wow yieñ ki haka yurim wa skem wei lyngba i wan yong ki cha ka UDP daw yohbor chooh chooh ko, kamtæ da yooluti u wa ka Party daw ku chooh chooh ko chakhmat yow poi cha ka thong yong i jop.
Discussion about this post