Ympu ye ka MDA wow rai ya u kyrtong monlang neibynta ka MP Election neibhah wa haap burom ya waroh ki party

Shillong: U President ka National People’s Party (NPP) uwa man leh u Montri Rangbah ka jylla, u Conrad Kongkal Sangma da ong u wa chem chitom hadooh katni ya ki seiñ hapoh sorkar Meghalaya Democratic Alliance (MDA) wow rai ya u kyrtong monlang neibynta ka election MP cha ka dorbar Parliament (LS) ka wow man ha uni u snem wow wan.

U Conrad da ong u wa i yaklam hapyrdi ki party wa em ha ka sorkar dang lai ko hadooh katni wow yoh ya u kyrtong wa monlang, wei hadooh katni ka MDA ympu ye ko wow chim ya ka rai wa khaddooh.

“Ka UDP da pynsñiaw ko yei kwah ko wow em u kyrtong monlang, tangwa haap wow burom leh ya kiwi ki party wa em ha ka sorkar, wei i yaklam dang lai i hadooh katni neibhah haap burom wei wow ap i ya waroh,” da ong u Conrad.

Da pynrap u wa ki seiñ saiñ pyrthai waroh em ki jar ka burom wei tipmit, wei emkaam yei burom kylliang yeitæ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Conrad da ong u wa ha ka sorkar khleh waroh yakrehlang ki, wei emkaam wow burom ya ki seiñ kiwa em ha ka sorkar.

“Ha ka sorkar synrop em ka kular neibynta wow pynneh ya ka sorkar, tangwa heiyatoh wa ka election haap wow burom markylliang ya waroh ki seiñ, ymtoh ka kaam kawa suk wow rai ya u kyrtong monlang, haap wow burom markylliang neibhah i em i ha ka sorkar wa kreh lang kiwa boon ki seiñ, tangwa ha ki tayaw wow wan daw ye i wow chim ya ka rai,” ong u Conrad.