I bynta ki khynnah wow pynkhooid ya ka chnong ka thaw

Jowai :  Hajrong ka thong wow riñ yei pyrkhat pyrdaiñ ki khynnah skur cha ka luti i tip ki u kheiñkor yei mankhooid mankyntang ki thaw puræ kamjooh ka chnong ka thaw, chimkhia ki bor wa pait wa pyllai yong ki kattu katni tylli ki skur wa em hapoh ka chnong Jowai wow pynman ya ka programme watip kam ka “Motivate students to participate on Swachh Bharat Mission”.

Ya kani ka programme dayoh u sakhi ynne ka sngi 16 tarik u Wisu heiwa ki kattu katni tylli ki skur wa em hapoh ka chnong Jowai wa kynthup ya ka Chilliangraij SSA Upper Primary School, Chilliangraij Govt. Lower Primary School wa ka Dulong SSA Upper Primary School dachim ki wow pynman ya kani ka programme hapyrdi i chimbyntalang ki khynnah skur wa ki dkhot ka Managing Committee.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ya kani ka programme da yahkhmat dei yoh yei purae ya ka Swachh Bharat Pledge, heiwa ha Chilliangraij hei yahkhmat ka kong Wyrda Lanong, Asst. Teacher ki khynnah wa ki nongsikai dachim ki wow pynbood hei puræ ya ka Swachh Bharat Pledge katwa ha Dulong wan yei puræ ya ka Swachh Bharat Pledge da pyndep hei yahkhmat ka kong Sweety Kyndiah, Headteacher.

U ma O.Shylla, Member School Managing Commiitte Chilliangraij hei e ya ki kyntien hapyrdi ki khynnah skur wa ki nongsikai hajrong ka thong yong kani ka programme, da ong u wow kynmoo wa i lehkhooid toh man i iwa emkam bha neibhah man da man i ki bru wa lehkhooid ioh i yei chait i khiah.