Jop suk ka Meghalaya ya ka Bihar ha ka Senior Women’s One Day League

Shillong: Ki kynthai ka Meghalaya da pteiñ ki ya ki kaam jop ha ka Senior Women’s One Day League, deiwa jop yaka yalehke wa soo ynnin deiwa pynrem yaka Bihar da 10 Run ha Bhubaneshwar.

Ka Bihar da jop ko ya ka kylla khlem wei da jied ko wow Bat nyngkong tangwa du arngut donhi kiwa Bat yong ka kiwa ye u kamai palat yaka 10 Run kamtæ ka Bihar da kamai ko 104 Run na ki 43.4 Over.

Kiwa kawang bol ka Meghalaya kiwa da leh bha toh ka Trisha Bera kawa yoh 4/16, ka DD Dutta 3/16 wa ka Pinky Chanda 1/24, katwa ka Vandana Mahajan da emkti ko wow Run Out ya ki ar ngut kiwa Bat.

Ka Meghalaya hawa Bat ko da jop suk ko khlem haap ka wi ka Wicket leh deiwa yoh 107 Run na ki 23 Over. Kiwa Bat ka Meghalaya ka Saee Purandare da kamai ko 59 Run katwa ka Dutta won da kamai ko 39 Run.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ini da man ko ka sien wa soo wa jop ka Meghalaya wei man ki kiwa kamai boon Point dooh da 16 Point deilang wa ka Uttarakhand, ka Meghalaya da yoh nyngkong ko neidaw wa biang ka Net Run Rate.

Ka Uttarakhand kattu u yachem ko waka Meghalaya ha ka 12 tarik uni u bnai ha kani ka jooh ka thaw.