Jowai: Kam chibynta ka National Livestock Mission, ka yung krehkaam District Animal Husbandry and Veterinary Officer, West Jaiñtia Hills District, Jowai; ynne ka sngi da pynman ko ya ka Livestock Mela ha Lad Mukhla Community Hall, Lad Mukhla kawa em hapoh ka Thadlaskein C&RD Block wei ya kam kani ka jooh ka Mela daw pynman ha Laskein C&RD Block ha ka 11 tarik uni u bnai ha Seinkyntu Community Hall Pamsna, Laskein.
U kongsan ha kani ka sngi u W. Shylla, MLA uwa man leh u Chairman Meghalaya Commission on Resource Mobilisation (MCRM) hei klam yong oo da pynchlur u ya ki warep wow kreh chitom ki nadooh mynsien kamjooh deiwa biang buit deiwa sñiawthooh yei rukom man ka chnong ka thaw yow ye u psan mrad deiwa yoh nong kamjooh leh u pynemkaam hok ya ki Scheme wa yoh na ka sorkar.
U kongsan ha kani ka sngi da saam u leh ya ki khusnaam cha ki warep ka Thadlaskein Block cha u Ionis Lyngdoh na Muphliang uwa psan syiar, u Marryngkat Najiar, Chilliangraij ha i pynmih dud, ka Moly Balim Jat, Wahiajer hei psan sniang wa u Spare Hadia, Sohmynting hei psan blang.
Ka Thadlaskein Block Development Officer ka B. Blah, District Horticulture Officer, Jowai ka B. Majaw, District AH & Veterinary Officer, Jowai Dr. R.Sumer, Sub Divisional AH & Veterinary Officer, Amlarem Dr. P.B Nongpluh da emlang ki ha kani ka sngi.
Discussion about this post