15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da kynmoo warom ya ka International Human Rights Day 2018

0 Comments

Shillong: Ka International Human Rights Day 2018 da lehwarom ya ka nyngkong dooh ynne ka sngi hapoh jylla, ha Yojana Bhawan, Shillong, heiwa u lat ka jylla, u Tathagatha Roy da man u kam u kongsan.

U lat hawa e i klam da ong u wa hawa pynkrehkaam yei hok manbru (human rights) ki bor pulit wa ki bor ka aiñ yaleh ki wow pyndep ya i kaamram yong ki. Da pyrap u leh wa i wym kreh ki man i iwa tyngkheiñ ya ka aiñ.  Da ong u keh wa ka thaaiñ mihsngi em ko u pood wa jrong wa kiwi ki ri wei ini da chem chitom ki wow kreh.

Da kyntu u leh ya ka Meghalaya Human Rights Commission (MHRC) wow kreh chiton ko hajrong wow yada yei hok manbru kiwi.

Neiliang u Dr Justice Aftab Hussian Saikia, Chairperson, MHRC, da ong u wa em chiboon i leh pyrchah ya i hok manbru wei kiwa leh pyrchah ym em tieñ ki ya ka aiñ. Da ong u leh wa ka hok manbru da kdup ya ka hapoh ka Fundamental Rights wa hapoh ka kyndon Article 21 yong ka riti synchaar ka ri.

Chwa ini, u dkhot ka Meghalaya Human Rights Commission, u PJP Hanaman da e u ya ki kyntien pdiang burom.

U R Chandranath, IPS, Director General of Police, Meghalaya da klam u hajrong ka phang The Role of Police in addressing Human Rights violations, u B Bhattacharjee, Additional Advocate General of Meghalaya da klam u hajrong ka phang The role of the Judiciary in addressing Human Rights violations katwa ka Patricia Mukhim da klam u hajrong ka phang The role of media and media persons in highlighting human rights violations.

Kiwi kiwa da klam ha kani ka sngi kynthup ki ya u Additional Chief Secretary, P W Ingty, Secretary, MHRC, Aldous Mawlong, wa kiwi kiwi.

Previous
Next

0 Comments

Leave a Reply