Shillong: Ka Central Election Committee ka People’s Democratic Front (PDF) ynne ka janmiet da pynlait ko ya ka thup ki pyrtuid yong ki kyrtong wow yakhun naka Party ha ka Election MDC yong ka Khasi Hills Autonomous District Council (KHADC) ka wow man ha u snem 2019.
Ka PDF kawa em katni 6 ngut ki MDC ha ka KHADC wa kynthup ya u James Ban Basaiawmoit, Hadrian Lyngdoh, Arbinus Lyngdoh, Morning Mawsor, Pynshngain N Syiem wa u Banteidor Lyngdoh wa 4 ngut ki MLA u Banteidor Lyngdoh wa u Hamlet Dohling (kiwa man leh ki montri ka sorkar jylla), u Jason Mawlong wa u Gavin M Mylliem.
Ki kyrtong wa da pynbna ka seiñ kynthup ki ya ka Macdalyn Sawkmie Mawlong na Umsning, u Arbinus Lyngdoh na Umroi, u Melamshwa Rynjah na Nongkrem, u Fedrick Joplang Lyngshiang na Laban-Mawprem, u Auspicious Lyngdoh na Mawphlang-Diengiei, u Beland Nongbri na Nongspung-Sohiong, u Hadrian Lyngdoh na Mawkyrwat, u Morningstar Mawsor na Mawshynrut wa u James Ban Basaiawmoit na Mawkhar-Pynthorumkhrah.
U Ivanlumlang Marbaniang, Chairman ka Central Election Committee(CEC) ka PDF, da ong u wa sa kawi thup wa ym slem de daw pynlait noh ko leh ya ki pyrtuid ki kyrtong wow yakhun na ka Jaiñtia Hills Autonomous District Council (JHADC).
Discussion about this post