Jowai: Neiliang u Dapoiwanmi Laloo hadien wa pdiang ya oo cha ka seiñ People’s Democratic Front (PDF) ha ka 17 tarik uni u bnai ha ka yalang wa pynman ha Auditorium cum Sports and Cultural Hall ka Lion Mission Dorbar Chnong ha i emlang kiwa kyrchaan ya oo naka ka 18- Jowai Central Constituency da pynsñiaw u yei sñiawngooh wa khroo ya kiwa kyrchaan ya oo wow man u kam u kyrtong MDC na kani ka Constituency.
Kamtæ da kyrpaad u ya kiwa chong chnong ka Jowai khamtam ka Jowai Central Constituency wow kyrchaan ya oo da ka kti ka tidiang timun yow ye u chakri kham bha ya ka Constituency wa ya ka ri wa jaitbru hi waroh kawi.
Ngait skem u leh wa lyngba i kyrchaan yong ki paidbah daw ye u wow jop wei u pyrchang u leh u wanrah ya ki Policy neibynta ka yap ka im ka ri wa ka jaitbru waroh kawi.
Ha kani ka sngi da chna leh ya ka PDF Jowai Central Committee wei da jied ya kiwa kitkaam wa ynthup ya kini hawah:
- President- u K.C. Roy Pde.
- Vice President- u Wanmi S Passah wa u Heibormitre Lypon
- Working President- u Emiki Dkhar
- General Secretary- ka Neiniwanda Pakma.
- Astt. Secretary- ka Yolangki Niangti wa kiwi kiwi.
Discussion about this post