Jowai: Ki bor District ka East Khasi Hills da pynmih ki ya ki kyndon wow thang bomkala deiwa bood leh ya ka hukum wa pynmih ka Supreme Court ha ka 30-10-18.
Ha ka hukum wa pynmih da ka bor District da ong wa kiwa kwah wow thang bomkala emkaam wow yoh bor lada kwah ki wow thang ha chwa ki por wa da booh ha ka 31-12-18 kawa da chah wow thang du nadooh i por 11:55 hadooh 12:30 i kylla tarik kani ka sngi (01.01.19).
Ki bomkala wa kiwi kiwi ym toh kiwa ood palat 125 db (AI) namo 145 db (C) hapoh 4 meter i thaw wa thang ya ki.
Lada thang won chiboon heijooh i por yong ki bru samen kiwa da pteiñ boon tylli ki bomkala toh u man ki kiwa ood 5log10(N) heiwa u N toh kiwa boon ki bomkala wa da pyndait lang.
Ya kiwa dai won emkaam ki wow yoh License ki deiwa bood ya ki kyndon ka Petroleum & Explosive Safety Organisation (PESO) kawa da booh leh ha ka website http://peso.gov.on heiyatoh wa ki jait bomkala wa ye u dai.
Da kyntu leh ya ki paidbah wa hawa thied ki ya ki bomkala yow man ki kiwa tip che wa kiwon ki jait u thied wei wow puræ bniah yeiwa thoh ha ki yusong bomkala.
Discussion about this post