Jowai: Ka Jaiñtia Football Academy (JFA) da pynman ko ya ka Trail & Selection wow jied ya ki khynnah kiwa em i sap yalehke Football kiwa em nadooh 7 snem hadooh 13 snem chapoh kawa pynman ha ka 17 tarik uni u bnai ha madan Jrisaleiñ, Chutwakhu Jowai.
Ha kani ka sngi da jied ka JFA palat 70 ngut ki khynnah kiwa em ka sap deiwa yabhah ya ki ha ki kyrdan Under -10 (7-9 snem i rta), Under-12 (10-11 snem i rta) wa Under-14 (12-13 snem i rta).
Kini ki khynnah toh kiwa wan na kylleiñ ki shnong kiwa na Laskeiñ, Thadlaskeiñ wa ki chnong kiwa em hapoh ka sor Jowai.
Kani ka Ttrail ka JFa man ko ka sien wa nyngkong neibynta ki chynrang wa kynthai wei da em u AFC ‘C’ License Coach, u Ryum Khonglah, uwa man leh u General Secretary ka JFA wo jied ya ki khynnah kiwa em ka sap yalehke Football wei wow yarap wow saiñdur ya ki nadooh wa dang khian ki.
Ka JFA da chem ko wa em kiwa boon ki khynnah wa em i sap wa kyrpang chwa ha ki kiwa emkaam ya ka sikai waka buit yow poi ki cha ki kyrdan wa toh u poi ki, wei hanlada kani ka man ko ka sien wa nyngkong, ka JFA sñiawkmen ko wa da ki spah ngut da wan ki khynnah wow chimbynta kawa e mynsien wa neini cha khmat daw pynman biang ya kam kani ka jooh ka Trial.
Discussion about this post