Ki kaam chah tooh chah lute hapoh ka jylla

Jowai: Katkam wa pyntip ki pulit, ha ka 19 tarik uni u bnai u Rupon Ghosh da ujor u wa em ki damok wa psiah tooh cha dukan chna Mobile Phone yong oo hei miet wei da tooh ki 5 tylli ki Mobile Phone waka poisa wa T. 300.

Ha ka 14 tarik ka Babli Barua da ujor ko wa da em ki bru wa tooh ya i yung ko ha i step kani ka sngi wa em ha Nongthymmai, Shillong wei da tooh ki ya kawi ka TV wa kawi ka Mobile Phone.

Ha ka 12 tarik won u Amar Pandit da ujor u wa hei pyrdi synaw da em ki bru wa ym tipmit u kiwa psiah yabor cha yung u kiwa em 7 ngut kiwa rah nar rod wa ki tari ha chnong Balihata, WGH wei da tooh ki ya i ksiar wa chongdor T. 2,50,000 wa 3 tylli ki Mobile Phone wei da pynmynsoo ki ya oo da ki nar rod.

Ha ka 18 tarik won heipor 8:20 i miet da em kiwa tooh ya kawi ka kari Bolero Pick-up wa em ya u number ML-05K-8970 na Byrnihat, RB.

Related posts

Yoh kem ki pulit ka East Jaiñtia ya uwa khayi drugs | Deiwa phla u yoh kem sa uwa na Shillong

October 15, 2025

Lait uwi nei chah lute | Noh ka thuk-thuk hapoh dooid | Chem leh ya u tyrnem

October 14, 2025

Ha ka 15 tarik heipor 6 waje i janmiet da em wa tooh ya ki LPG Cylinders, ka Laptop waki sula na yung yong u M.K. Mustofa wa em ha P&T Quarters, Nongrim Hills, Shillong.

Ha ka 14 tarik da em kiwa psiah tooh cha ka St. John White Hall School, Dumdum, Nongthymmai, Shillong wei da tooh ki ya kawi ka Projector wei da pynsih ki leh yi CCTV Camera.

Ha kani ka jooh ka sngi u Jasoti R Marak da ujor u wa heipor 2 waje i sngi da em wa tooh ya ka thuk thuk u wa em ya u number ML-06-8639 na pchem yung u wa em ha chnong Riangding, WKH.

Ha ka 12 tarik won u Heraldson Dkhar da ujor u wa heipor 1 waje i step da em wa tooh ya ka kor Air Compressor kawa chong dor T. 2 lak na Reliance Petrol Pump, EJH.