Jowai: I yang miet wow poi ka sngi Christmas yong ki khon ka niam Christian ha Jowai kamwa man ha ki snem wa da lai, ki Balang waphær waphær da pynman ki jar jiar ki yalang lehkmen kam ki yaseiñ ngoohblai, i thang Bon Fire heiwa da em leh ki rwai wa ki khana parom chaphang ka Christmas wa iyi mut ko heiwa u Blai da phah u da u khon u wow wan cha ka pyrthai.
Ki kattu katni ki thaw kiwa da yoh u sakhi ynne ka sngi toh ka yalang wa pynman da ka Balang Jowai ha madan Biar, ka Balang Thadlaboh, Balang Mynthong wa ka Balang Catholic Jowai.
Kiwa ngait niam da wanlang ki wa ki khon ki kti, ki lok ki jor yow pynkhreh wei wow pdiang ya ka Christmas dei kmen dei chongchit khlem sñiaw yei kjam i dait thah.
Wei ha ki thaw hi wa da yoh u sakhi da man ki kiwa chongchit wa emburom wei wa chongkhia chongkun.
Discussion about this post