Da pynman ya ka “Iachemlang ki Khon Niamtre” ka Seiñ Raij Raliang

Jowai: Ka Seiñ Raij Raliang kamwa jooh pynman khlieh u snem, ha uni u snem leh da pynman ko ya ka “Iachemlang ki Khon Niamtre” ya kawa da sdang nadooh ka 16 tarik da ki “Ialeh kei u warim” wa kynthup ya ka Satyngkoh, Mareh Lama, Iahai, Puh Syiar, Dat Moo Niaw, Lai Kæn kæn, wa kiwi kiwi.

Ha ka 23 tarik da pyndep leh ya ka Niam ka Rukom yong ka Blai Chrah, kamjooh da pynyaleh ya ka yakob Quiz, Debate.

Ynnin ka 24 tarik da pynkut ya kani ka yachemlang heiwa da pynphooh pynphieñ ya ka da ki Chaad Tynre na ki dong waphær waphær ka Chnong Raliang kamjooh na Laskeiñ, Mukhap, Nongkynrih, Mootyrchiah wa kiwi kiwi.

Kani ka “Iachemlang ki Khon Niamtre” man ko leh kam chi bynta wow pynemwarom ya ka “Seiñ Raij Day” heiwa ki waheh ki wa seiñ da e ki ya i sneiñ kyntu ya ki khon Niamtre u tip ki u maya ya ka yong ki dahi u burom ki yei yong kiwi wei u im hei tip bru tip blai.

Ha chwa u pynkut ya ka yachemlang da saam ya ki prize cha kiwa jop waroh.

Related posts

Deiwa yoh chiboon iwa chna thymme ha Aitnar pynkut ya ka Ialong Behdieñkhlam 2026 deiwa phooh wa phieñ

August 10, 2026

Poi 22 tylli ki rot ki rong ha ka Behdieñkhlam ka Seiñraij Muthlong | Nang heh nan san kat dang lai ki snem

August 3, 2026