Hadooh 20 lak litre ka um dadep sai na ka krem mooyong na Ksan: Lahkmen Rymbui

Jowai: Ynne ka sngi ki ar ngut ki montri ka sorkar jylla wa kynthup ya u montri ka chnat Environment & Forest u Lahkmen Rymbui wa u Montri ka chnat Disaster Management u Kyrmen Shylla da hiar ki cha Ksan wow booddien yei kreh wow pynlait ya ki 15 ngut kiwa chah kset hapoh ka krem mooyong nadooh ka 13 tarik uni u bnai.

Hawa yaklam wa kiwa pathai khubor u Lahkmen da ong u wa ka sorkar u leh ko katwa ye wow pynlait ya kini ki 15 ngut wei da paan yarap leh wot na ka Coal India Ltd. hajrong kani ka kaam.

Da pyntip u leh wa ha iwon iwon i por daw poi ki kor (pump) wa khlan bor wei ye u poi hadooh 10 tylli kini ki kor wow sai ya kani ka um neibhah ka um hadooh ynne ka sngi da neh bait ko kamjooh wei da dep sai 20 lak litre ka um na kani ka krem mooyong.

Da kyrmen u leh wa manda poi kini ki kor daw ye u pynlait ya kini ki bru napoh kank ka krem.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Heiyatoh won wa i lut i sep ka sorkar hajrong i kreh wow pynlait ya kini ki 15 ngut, u Lahkmen da ong u wa katkam wa man hi ym emkaam wow pynlait chwa ya kiwa chah kset.

“Ka sorkar ym em chong ko, wei pyrchang i katwa ye wow pynlait ya kini ki bru,” da ong u Lahkmen.

Yeiwa chem ki ynne da ong u wa daw pyntip ki cha u Montri Rangbah hajrong kini waroh.