U ma Hilarius Dkhar u wa man u Ex MDC ka JHADC da khlaad u ynnin ka sngi 1 tarik January 2019 ha NEIGRIHMS Hospital Shillong hei por 6 waje jan miet neidaw wa chitom jur u ha kini ki snem wa ki bnai wa da dep. U ma Hilarius Dkhar da jooh man u kam u MDC hadooh 3 sien kynthih wei da mihkhmat u na ka Barato Mukroh Constituency.
Hei por wa man u kam u MDC u ma Hilarius Dkhar da jooh man u kam u Executive Member yong ka Council wei da jooh ksoh u leh ya ka kyrdan Deputy CEM.
Kiwa ha yung ha sem wa ki kur ki kha wa ki lok ki jor dap ki da i sñiawsih wa khroo hajrong ini i dooh ya uni u bru wa khroo yong ka dong ka chnat ka ri loom Jaiñtia.
Ka sngi lai tlep ya oo u man ko ha ka 3 tarik u bnai January 2019 ha loom tlep bru yong ka Balang Katholik Mukroh heipor 1 waje i sngi.
Discussion about this post