15 49.0138 8.38624 1 0 4000 1 https://wyrta.com 300 0

826 Run kamai ka Meghalaya ha ka chi Innings pyrchah ya ka Sikkim ha ka Ranji Trophy

0 Comments
Advertisement ad1

Shillong: Ha ka yalehke Ranji Trophy hapyrdi ka Meghalaya waka Sikkim, ka Meghalaya da kamai ko 826 Run deiwa haap 7 tylli ki Wicket iwa da poi ha ka kyrdan wa 6 wa boon dooh i kamai Run ha ka Ranji Trophy wei da Bat ki 171.4 Over ynnin ha Bhubaneshwar.

Tangwa i yang ka Meghalaya yow yoh 100 Run u Gurinder Singh uwa da kamai 101 Run (Not out) da pynlut por heithaw wow pynemkaam yow pynhaap ya ki Wicket ka Sikkim heiwa ka yaleke da kut ko khlem em wa jop ynne ka sngi.

Advertisement ad1

“Nga ym em sñiawkmen O yei pynslem wow pynkut ya ka First Innings ha ka sngi wa le kawa da poi chadooh wa ym em wa jop wei da dooh i ya ki Point wa emkaam,” da ong u Honorary Secretary ka Meghalaya Cricket Association u Naba Bhattacharjee wei da pynrap u deiwa ong “I yoh burom yong samen toh iwa emkaam tangwa emkaam nyngkong wow pyrkhat chwa ya iwa emkaam u leh yow yoh i jop ya ka Meghalaya.”

Ka Sikkim hawa bat nyngkong ko ha ka First Innings da kamai ko 219 Run. Ha ka sngi wa ar, ka Meghalaya ko 555/3, heiwa u Punit Bisht da kamai u 343 Run kawa poi cha ka kyrdan wa 8 ha ka Ranji Trophy iwa boon dooh i kamai Run da uwi u Batsman.

U Raj Biswa won da kamai u 175 wa u Yogesh Nagar 148 kiwa da yarap ya ka Megalaya wow kamai 826/7  kawa da pynkut ynnin ka sngi chwa i por dih cha.

Kiwa bat ka Sikkim won da kamai 304 Run deiwa dooh ya 4 tylli ki Wicket hadooh wa kut ka yalehke ynne ka sngi.

Kiwa kawang bol ka Meghalaya kiwa yoh u pynhaap Wicket toh u Gurinder 3/84 wa u Aditya Singhania 1/31. Neidaw wa pyntam ka Meghalaya ha ka First Innings da yoh ko le Point katwa ka Sikkim da yoh ko chi point.

Ka Meghalaya kattu da jop ko 4 sien ya drawn ar sien wei da rem ko ar sien.

Advertisement ad1

0 Comments

Leave a Reply