Pyrchah ka sorkar jylla yei thmu ka sorkar pyrdi wow pynkylla aiñ ya ka Citizenship Amendment Bill, 2016: Conrad

Shillong: U montri rangbah ka jylla, u Conrad K Sangma da ong u wa ka dhab ki montri (Cabinet) da rai ko wow pyrchah ya ka rai ka sorkar pyrdi wa yakhmat ka BJP wow pynkylla ya aiñ ya ka Citizenship Amendment Bill, 2016.

Da ong u wa ka sorkar jylla man ko kawa nyngkong dooh wow pyrchah ya ka Citizenship (Amendment) Bill, 2016, deiwa pynrap leh wa ym em i kulmar hajrong i rai ka ka sorkar.

Hajrong i leh ka sorkar jylla wow pynbor ya ka sorkar pyrdi hajrong kani ka kaam, da ong u wa da chim ya ka rai (resolution) wa khor pyrchah ya ini i thmu ka sorkar pyrdi.

“Ka sorkar jylla wa pyrchah nyngkong ya ini i thmu toh ka sorkar Meghalaya,” da ong u Conrad.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heiyatoh wa i ran dien ka NPP wow kyrchaan ya ka sorkar NDA, da ong u wa da klam che ya ka sorkar NDA wa ka NPP ym kyrchaan ko yeini la man katwa man leh.

“Daw pyrkhat i leh ya ki luti ki wow chim i kat dang lai ki sngi,” da pynrap u Conrad.

Hajrong i dawa won ki seiñbhalang wow pynhiar chuki ya u MLA ka BJP, u AL Hek kam u montri ka sorkar MDA uwa da kyrchaan leh yei rai wow pyrchah ya ini i thmu ka sorkar pyrdi, u Conrad da ong u “Ye u wow man u dkhot ka BJP tangwa ha Cabinet da ong u ha oo (Hek) samen iwa kongsan toh wow yada ya ka jaitbru wa ka jylla”.

Hajrong i khang chnong ka NESO, u Conrad da ong u wa ka sorkar ymye ko u ong iyi iyi leh neibhah ka NESO da chim ko ka rai yeiwa ka sorkar jylla leh pyrchah ko.