Shillong: U montri rangbah ka jylla u Conrad K Sangma ynne ka sngi da ong u wa ya ki Entry-Exit Point wow pait yei psiah i mih ki baar jylla ym slem de daw pynkrehkaam noh ya ki hapoh jylla deiwa pynrap wa daw em ki thaw wa du ha ki ar le bnai daw krehkaam noh ki wei yeini da ong u ha ka yalang ki montri ynne ka sngi.
Da pyntip u leh wa ka chnat Revenue wa Tourism da kreh chitom ki wei ka sorkar da jan dep ko wow thied ya ki thaw.
“Da thooh i leh ya ki laad ki luti wow pynsmat ya i kaam wei kani ka yalang da man ko kawa jop wei kmen i leh wa ka kaam da phet ko chakhmat”, da ong u Conrad.
Da pynksan u leh wa ka sorkar yong oo chimkhia bha ko ya ini i kaam neibhah wa da em ko chibynta yong ka aiñ Meghalaya Residents Safety and Security Act, 2016 kawa man ka aiñ wow pait yei psiah i mih kiwa na baar.
Hadien wa pynslem ka sorkar da kamwa 4 snem, ki 13 seiñ wa dawa ki ya ka Inner Line Permit (ILP) wei da maham ki wow booh da ki yong ki hi ki khyrdop wow pait ya ini i kaam.
Discussion about this post