Jowai: Ka yaleh wow sai ya ki 15 ngut napoh ka krem mooyong kiwa da sahkut aw jan chibnai nadooh ka 13-12-18 dang lai bait ko cha khmat tangwa hadooh ynne ka sngi dang sah wow taan um naka krem wa em kiwa chah kset kamjooh na ki krem mooyong warim wa em hajan.
Ynne ka sngi ka Coal India Limited da sdang ko wow taan um nadooh 3:30 i janmiet hadien wa sih ki Pump ko ynnin ka sngi wei dang pteiñ ko yei kaam yong ka.
Ha ki ar kynta da sai hadooh 2,26,800 Liter ka um.
Ka Fire Service Odhisa da pynemkaam ko 6 tylli ki Pump ynne ka sngi.
Neiliang ka Indian Navy da pynhiar ki ya ka kor Under Water Remotely Operating Vehicle (UWROV) wei dang pteiñ ya ini i kaam.
Katwa ka Kirloskar da ye ko wow pynchna ya ki Pump yong ka wei da yooluti daw sdang krehkaam ki mynstep wei dang sah leh wow pyndait ya ki Pipe yow sai ya ka um.
Ka Fire Service Odhisa ki kaam wa lai bait dooh da pyntip ki wa da dam ki wow taan um heipor 5:30 i janmiet na ki ar tylli ki krem mooyong warim wa me hajan ka krem kiwa chah kset kiwa da pynkrehkaam ki ya ki Pump 10 kynta ynne ka sngi na ki ar tyilli ki krem mooyong wa em hajan wei da sai ki 180000 Liter ka um.
Discussion about this post