15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ha ka Dorbar ka Seiñ Raij Mulieh da pdiang burom ya ka manyung wa uiñ cha ka Niamtre

0 Comments

Jowai: Ka Seiñ Raij Mulieh ynnin ka sngi da pynman ko ya ka Dorbar Niamtre hajrong ka phang “Pynneh Pynsah Ia Ka Niam Ka Rukom” ha chnong Mulieh, West Jaiñtia Hills. 

Chwa wow sdang kani ka dorbar da pynhær ya ka lama ka seiñ da ka Embi Dhar kawa man kawi ka ki manbei ka Raij wei da pynbood da ki kyntien ngoohblai na u Primkang Suiam wa ki kyntien pdiang burom na ka Niribi Rabon.

Advertisement ad1

Da yoh ya ki kyntien sneiñ kyntu na u Dolloi ka Elaka Raliang, u Chawas Lyngdoh, ka Eubina Sungoh na ka Seiñ Raij Shangpung kawa da klam hajrong ka phang ‘Kaamram Khynroo Khyllood ha ka Niamtre’.

Chooh chooh da yoh leh yei sneiñ kyntu na u Nitajan S. Manner uwa man kam u Vice President ka Seiñ Raij Shangpung uwa da klam hajrong i kordor ka niam, wei da yoh leh ya i klam na u Dolloi ka Elaka Jowai u Puramon Kynjing, wa ki kyntien khubleui na ka W. Saio wei da pynbood ya i pynhiar ya ka lama da u Acting Dolloi ka Elaka Shangpung, u C. Langbang.

Ha kani ka sngi da yoh yei klam i batai hajrong ka niam ka rukom hapoh ka chnong Mulieh katkam wa da bood da u warim wei ya ini da khana da u Kmen Dhar.

Da yoh leh u sakhi ya i pynkup burom ya kawi ka manyung na ka Kur Papang na ka chnong kawa da uiñ biang cha ka Niamtre.

Ya kani ka dorbar da pynphooh da ki chaad wa ki rwai wa da pynkhreh da ki khon ka Seiñ Raij na kylleiñ kam na Shangpung, Raliang, Khlookynriñ, Byrwai, Mulieh wa kiwi kiwi. 

 

Share this:
Previous

Ym slem de daw ye u pynkrehkaam noh ya ki Entry-Exit Point ha ka jylla

Next

Dang pteiñ i sai ya ka um hadooh ynne ka sngi yow pynlait ya kiwa chah kset ha Ksan

0 Comments

Leave a Reply