Da pynskem ya kiwa kitkaam ka JPWDMW & LU – Thadlaskein Block

Jowai: Ka Jaiñtia Public Works Department Muster Roll Workers & Labour Union, kam chibynta yow yajan yow suk i ya krehkaam hapyrdi ki Muster Roll wa kiwi tawon kiwa kreh mylla sngi ha jar jiar ki C&RD Block ha waroh ka ri-loom Jaiñtia, da khut ko ya ka dorbar paidbah ki Muster Roll kiwa kreh ha ki chnat sorkar kiwa em ha u pood u ang ka Thadlaskeiñ C&RD Block, ha ka 5 tarik uni u bnai ha Yung Dorbar ka Lad Mukhla. 

Ya ka Dorbar da pynlai da ka Dayoo Ïakai, Vice Preisdent, kamjooh kawa da batai ya i krehkaam ka seiñ ha ki bnai wa dadep kat hadooh iwa da mynjur ka sorkar hapoh i yahkhmat u P. Tyngsong, uwa man kam u symbood montri rangbah yow pynku ya ka nongsngi kawa T. 196 chisngi kawa u su ka sorkar nadooh ka 01 Naitung 2018 hadooh ka 30 tarik u Naikhynde 2018, neitæ ya iwa u pynku bai nongsngi ki Muster Roll na ka T. 196 chisngi cha ka T. 300 chisngi kawa u krehkaam nadooh ka 01 tarik u Naichiphaw 2018, kamjooh ya i mynjur wow pynku ya u snem wow chongngiah ki Muster Roll na ka 58 snem cha ka 60 snem.

Natlor kitai ki mat dang em chooh chooh sa kiwi kiwi tawon kiwa da mynjur ka sorkar ya i dawa ka seiñ, iwa dang yooluti wa u Principal Secy. ka chnat Labour ka sorkar jylla daw pynmih hukum u halor i ya mynjur ka seiñ wa ka sorkar ha ka yaklam kawa da man ha ka 21 tarik Kmaichonglad 2018 hapoh i yakhmat u Tynsong deilang wa u Principal Secretary, Commisioner Secy wa u Deputy Labour Commissioner ka chnat Labour ka West & East Jaiñtia Hills District ka sorkar Meghalaya wa ha i yahkhmat u K. L Pariat President wa ka Manda Bareh General Secretary wa kiwi kiwa kitkaam ka seiñ. 

Ha kani ka dorbar da yoh ya i klam na ka Yooris Rymbai, u Shanbor Dkhar Asstt. General Secretary, wa na ka Ester Mukhim. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Khamtam da pynskem da kyrkhu khyrdoh ya waroh kiwa krehkaam ka Jaiñtia Public Workers Department Muster Roll Workers & Labour Union, ka chnat Thadlaskein C&RD Block na u K.L. Pariat. 

Kiwa kitkaam ka JPWDMW & LU, Chnat Thadlaskein C&RD Block man ki kamni ha wah:

President – Ka Yooris Rymbai 

Vice President – U Dathrangki Lakiang

General Secretary – Ka Smiling Suna 

Asstt Genl Secy – U Damechwa Laloo 

Treasurer – Ka Mary Shangpung 

Ki Executive Members – 

(i) Ka Chalestina Shadap 

(ii) Ka Syntu Phalangki 

(iii) U Francis Khynriam 

(iv) Ka Sita Phalangki 

(v) U Niawly Stong

(vi) Ka Rilang Hadia

(vii) Ka Wima Ryngkhlem 

(viii) Ka Therisa Hinge

(ix) Ka Serin Pyrtuh

(x) Ka Amrita Phawa 

(xi) U Don War 

(xii) U Chewan Lyngdoh 

(xiii)Ka Ester Mukhim 

(xiv) U Loyal Siangshai.