Jowai: Ka Confederation of Hynniewtrep Social Organisation (CoHSO) kawa man ka satri yong ki seiñbhalang wa kynthup ya ka HYC, HANM, HPF, JSU, JYF, AJSU, JSM, EJNC, WJNC, RBSU, CORP, WYF, WKSU wa ka MPUF, da beiñ joor ko yei leh ka Sorkar NDA hapoh i yahkhmat ka BJP wow pynman aiñ ya ka Citizenship Amendment Bill ynne ka sngi.
Hanlada dang yang ya ka Rajya Sabha wow rai kammon wow leh ko ya kani ka Bill, tangwa ka COHSO da ong ko wa ini pynyoo i yei buitpoh ka Sorkar NDA hapoh i yahkhmat ka BJP.
Kamtæ wow pyrchah ya ka rai ka sorkar MDA wa ya ka BJP hajrong ka Citizenship Amendment Bill wei wow dawa na u Chief Minister ka jylla u Conrad Sangma wow pyrchah ya ka (aiñ) ka CoHSO da rai ko wow pynman yakhih da ka Stay Off-The-Road Protest.
Kani ka yakhih mut ko wow ya dam u lai luti na sarok nadooh 7:00 waje i miet ka 10 tarik uni u bnai hadooh 5:00 waje i step ka 11 tarik uni u bnai ha waroh kawi ka Ri-loom Khasi Jaiñtia Hills. Kamtæ da kyrpaad ya waroh wow man ki kiwa yakrehlang wa ka dhab wow pyntikna yei suk i saiñ ka mynried mankawi.
Ini toh katkam wa pyntip u Robertjune Kharjahin uwa man leh kam u Chairman, ka CoHSO.
Discussion about this post