Kular u Rajnath wow yada yei hok ki paidbah ka thaaiñ mihsngi ka ri

Jowai: U montri rangbah ka Manipur u N. Biren Singh ha kani ka 12 tarik dayachem u wa u montri ka sorkar pyrdi wa pait ya ka kaam pohyung, u Rajnath Singh chirup wa u Manipur BJP President uwa man leh u Rajya Sabha MP, u Ksh. Bhabananda Singh.

Ha kani ka yalang da yaklam hajrong i wow yada ya ki hok ki tre jylla ka Manipur.

Neiliang u Rajnath Singh da kular u wow yada yei hok ki paidbah ka thaaiñ mihsngi khamtam ka jylla Manipur wei da kular u leh wow khut ya ka yalang ki montri rangbah ki jylla ka thaaiñ wow yaklam hajrong kani ka phang.

U Biren Singh da ekti u leh ya ka dorkhat wow kyntu ya u President ka ri wow pynman aiñ ya ka Manipur People’s Protection Bill 2018 yeiwa u Rajnath da kular u wa ka Ministry daw chong bichaar ko ya kani ka Bill.