Shillong: U montri rangbah ka jylla u Conrad K Sangma ynnin ka sngi da pyntip u wa ka sorkar jylla da phah ko ya ka Mining Plan wa ki kyndon wow yada ya kiwa kreh cha ka Directorate General of Mines Safety (DGMS), wei dang yang yei mynjur ka DGMS ya ini.
“Lada ym pdiang ka DGMS ya ini ym em iyi iyi leh i tih mooyong wow ye u sdang biang,” da ong u Conrad.
“I chimkhia i wow pyrkhat yei im ja ki bru wei heijooh i por wow bood ya ki kyndon ka sorkar pyrdi wa da booh ko neibynta ka ri waroh kawi ka ri.” Da ong chooh chooh u Conrad.
Heiyatoh wa i yachem u Conrad wa ki montri yong oo ya u Union Home Minister u Rajnath Singh hajrong kani ka kaam, u Conrad da ong u wa da dep pynyoo hakhmat u Singh ya iwa rukom tih mooyong wa nachwa wa ki laad ki luti wa thymme wow chim ka sorkar wei u Singh leh ngait u wa lada biang iwa tyrwa ka sorkar jylla daw emlaad.
U Conrad da ong u wa ka kaam tih mooyong toh kawa boon ratap bha ym du wow lait na ki aiñ tih mooyong wa kiwi ki aiñ kiwa pynkrehkaam da kiwa boon ki chnat sorkar kamjooh leh wow pyrkhat yei chngaiñ kiwa kreh wei wow yada ya ki.
Heiyatoh won yeiwa slem ka sorkar u jubab yeiwa kylli ka Ministry of Coal, u Conrad da ong wa hadien wa tip wa em kini, da jubab lut i ya waroh wa emkaam.
Discussion about this post