Shillong: U montri rangbah ka jylla ynnin ka 21 tarik da wai u ya ka “Chief Minister’s WhatsApp Based Public Grievance Redress Mechanism” ha ka kamra krehkaam yong oo ha Shillong.
Kam chibynta yong ka lehkmen Meghalaya Day, u Conrad da wai u ya kani ka rukom ujor wa nyngkong dooh hapoh ka ri kawa ye u ujor bait ha ka yung krehkaam u montri rangbah. Da ong u leh wa kani ka rynsaan ki paidbah daw ye ki wow ujor namo wow pynsñiaw yei eh i khoo yong ki ha ka Chief Ministers Office.
Ya kani ka Grievance Redress System da kyrchaan da ka NIC wei ye u ujor bait lyngba ka Whatsapp ha u Number 94363-94363.
Manda ujor heini daw phah ya ka ujor sak cha ki chnat wa yatoh wa ka ujor lada ha ka District namo jylla wei daw pyntip cha kiwa ujor hajrong i kaam wa da leh hajrong ka ujor.
Man u bnai daw pynlang ya ki ujor wa yoh na jar jiar ki District wei daw pait wa neiwon wa boon ki ujor khnang wow ye u pynyoo ya ki chnat wow pynjanai ki yei rukom kreh.
Ye leh u ujor namo e yumut lada neiwon neiwon i bynta ka pyrthai hajrong ka Meghalaya ha ini i rukom, i pyrtuid (lada kwah u khana) ka rukom ujor (complaint), ka chnat wa yatoh wa ka ujor (Department Concerned), ka chnong, ki dur wa Video, wei ya ki Number Phone kiwa ujor daw murieh ya ki.
Ki bru ki wym em smartphone ye ki wow phah da ki SMS wei ki ujor ki wym bood ya kiwa kyndon wa da booh daw tympleh (delete) ya ki, ymye leh wow phone ha uni u number.
Ye leh wow ujor da i ktien Khasi, Garo, Pnar, Hindi wa English.
Discussion about this post